క‌న్‌ఫ‌ర్మ్ చేసిన రకుల్
- IndiaGlitz, [Sunday,November 12 2017]
తెలుగులో అన‌తికాలంలోనే స్టార్ హీరోయిన్‌గా పేరు తెచ్చుకుంది ఢిల్లీ డాళ్ రకుల్ ప్రీత్ సింగ్‌. ఇక్క‌డ సూప‌ర్‌స్టార్ మ‌హేష్‌బాబు, యంగ్ టైగ‌ర్ ఎన్టీఆర్‌, స్టైలీష్ స్టార్ అల్లు అర్జున్‌, మెగాప‌వ‌ర్ స్టార్ రామ్‌చ‌ర‌ణ్‌, మాస్ మ‌హారాజ్ ర‌వితేజ వంటి అగ్ర క‌థానాయ‌కుల‌తో సినిమాలు చేసింది. మ‌రోవైపు త‌మిళం, హిందీలోనూ సినిమాలు చేస్తున్న ర‌కుల్‌కి.. అక్క‌డైతే స్టార్ హీరోల సినిమాల్లో న‌టించే అవ‌కాశం ఇప్ప‌టివ‌ర‌కు రానేలేదు.
ఇదిలా ఉంటే.. తాజాగా త‌మిళంలో విజ‌య్‌, సూర్య వంటి స్టార్ హీరోల చిత్రాల్లో రకుల్ న‌టించే అవ‌కాశ‌ముంద‌ని వార్త‌లు వినిపించాయి. అయితే ఆ విష‌యాన్ని రకుల్ ఎక్క‌డా ప్ర‌స్తావించలేదు.కానీ తాజాగా ఖాకి సినిమా ప్ర‌మోష‌న్స్‌లో సూర్యకీ జోడీగా న‌టించ‌బోతున్న‌ట్లు ఈ అమ్మ‌డు క‌న్‌ఫ‌ర్మ్ చేసింది.
సెల్వ రాఘ‌వ‌న్ ద‌ర్శ‌క‌త్వం వ‌హించిన ఈ సినిమా జ‌న‌వ‌రిలో ప్రారంభ‌మై.. వ‌చ్చే ఏడాది దీపావ‌ళికి ప్రేక్ష‌కుల ముందుకు రానుంది. తెలుగులో మాత్రం ఈ ముద్దుగుమ్మ కొత్త‌గా ఏ సినిమాకీ సంత‌కం చేయ‌క‌పోవ‌డం గ‌మ‌నార్హం.