పొగ తాగితే తప్పేంటి? అని అంటున్న- రకుల్
- IndiaGlitz, [Tuesday,August 06 2019]
రకుల్ ప్రీత్ హీరోయిన్‌గా నటించిన చిత్రం 'మన్మథుడు 2'. ఈ చిత్రంలో ఈమె అవంతిక అనే పోర్చుగల్ అమ్మాయిగా నటించింది. అవంతిక టీజర్‌ను చిత్ర యూనిట్ విడుదల చేసిన సంగతి తెలిసిందే. అప్పట్లో సోషల్ మీడియాలో రకుల్ పొగ తాగిందంటూ పెద్ద చర్చే జరిగింది. ఇదే విషయంపై పాత్రికేయులు ఆమెను ప్రశ్నిస్తే.. 'మన్మథుడు 2'లో నేను సిగరెట్ తాగలేదు. అవంతిక పాత్ర మాత్రమే సిగరెట్ తాగుతుంది. అవంతిక పాత్రలో చాలా ఎనర్జీ ఉంటుంది. నాటీ పాత్ర. పాత్రను డైరెక్టర్ రాహుల్ చక్కగా డిజైన్ చేశారు.
ఆ పాత్ర డిజైన్ చేసిన తీరుగానే నేను పొగతాగినట్లు నటించారు. అయినా హీరో పొగ తాగితే తప్పులేదు కానీ.. నేను హీరోయిన్స్ పొగ తాగితే తప్పా?. నేను నిజ జీవితంలో పొగతాగను. మన సోసైటీలో చాలా జరుగుతున్నాయి. కానీ బయట చెప్పాలనుకున్నప్పుడు సమాజం ఏమనుకుంటుందోమోనని ఆలోచిస్తుంటాం. అవంతిక పాత్ర సిగరెట్ తాగడం గురించి కాదు కదా.. ఓ స్ట్రాంగ్ ఎమోషన్ గురించి చెప్పడానికి చేసిన సినిమా ఇది'' అంటూ సమాధానమిచ్చింది రకుల్ ప్రీత్ సింగ్.