తమన్నా తరహాలో రకుల్ కూడా..
- IndiaGlitz, [Monday,October 26 2015]
తమన్నా అడుగుజాడ‌ల్లోనే రకుల్ ప్రీత్ సింగ్ న‌డుస్తోందా? అవున‌నే వినిపిస్తోంది టాలీవుడ్‌లో. ఇంత‌కీ రకుల్ ఏ విష‌యంలో త‌మ‌న్నాని ఫాలో అవుతుందంటే.. డాన్సింగ్ స్కిల్క్‌ని పెంచుకోవ‌డం గురించి. కెరీర్ ప్రారంభంలో తమన్నా డ్యాన్స్‌లో ఏమంత గ్రేస్ ఉండేది కాదు.. ఎప్పుడైతే అల్లు అర్జున్‌, ఎన్టీఆర్‌, రామ్‌చ‌ర‌ణ్ ప‌క్క‌న వ‌రుస‌గా అవ‌కాశాల‌ను పొందిందో.. అప్ప‌ట్నుంచీ ఆ విష‌యంలో ఎంతో డెవ‌ల‌ప్ అయింది. క‌ట్ చేస్తే.. ఇప్పుడున్న హీరోయిన్స్‌లో తమన్నా నెం.1 డ్యాన్స‌ర్‌గా పేరు తెచ్చుకుంది.
ఇప్పుడు రకుల్ ది కూడా ఇదే ప‌రిస్థితి. 'బ్రూస్‌లీ' కోసం రామ్‌చ‌ర‌ణ్‌తో ఆడిపాడిన రకుల్.. ఆ త‌రువాత వెంట‌వెంట‌నే ఎన్టీఆర్‌తో 'నాన్న‌కు ప్రేమ‌తో', బ‌న్నితో 'స‌రైనోడు' కోసం అవ‌కాశాల‌ను పొందింది. దీంతో డ్యాన్స్‌లో ది బెస్ట్ అనిపించుకున్న ముగ్గురు అగ్ర‌తార‌ల‌తో వ‌రుస‌గా న‌టించే ఛాన్స్ రావ‌డంతో రకుల్ డ్యాన్స్ ఇంఫ్రూవ్ అవుతోంద‌ని ఫిల్మ్ న‌గ‌ర్ వ‌ర్గాలు ముచ్చ‌టించుకుంటున్నాయి. మొత్తానికి తమన్నా త‌రువాత ఆ స్థాయిలో రకుల్ కూడా రాణించే దిశ‌గా ఉంద‌న్న‌మాట.