డైరెక్ట‌ర్ బోయ‌పాటి తెర‌కెక్కించిన స‌రైనోడు సినిమాలో ర‌కుల్ ప్రీత్ సింగ్ న‌టించిన విష‌యం తెలిసిందే. ఈ చిత్రంలో ర‌కుల్ అందం - అభిన‌యం బోయ‌పాటికి బాగా న‌చ్చింది అనుకుంట‌. త‌న త‌దుప‌రి చిత్రంలో కూడా ర‌కుల్ కి అవ‌కాశం ఇచ్చారు. బోయ‌పాటి స‌రైనోడు సినిమా త‌ర్వాత బెల్లంకొండ సాయి శ్రీనివాస్ హీరోగా ఓ చిత్రాన్ని తెర‌కెక్కించ‌నున్నారు. ఈ చిత్రాన్ని అభిషేక్ పిక్చ‌ర్స్ నిర్మించ‌నున్నారు. ఈ చిత్రంలో హీరోయిన్ గా న‌టించాల‌ని ర‌కుల్ ని బోయ‌పాటి అడ‌గ‌డం..ర‌కుల్ అంగీక‌రించ‌డం జ‌రిగింద‌ని స‌మాచారం.

త్వ‌ర‌లోనే ఈ చిత్రాన్ని ప్రారంభించ‌నున్నారు. రామ్ చ‌ర‌ణ్ తో థృవ చిత్రంలో న‌టిస్తున్న ర‌కుల్, సాయిథ‌ర‌మ్ తేజ్ హీరోగా మ‌లినేని గోపీచంద్ ద‌ర్శ‌క‌త్వంలో రూపొందే చిత్రంలో కూడా ర‌కుల్ న‌టిస్తుంది. అలాగే విశాల్ హీరోగా న‌టించే త‌మిళ చిత్రంలో కూడా న‌టించేందుకు అంగీక‌రించింది. తాజాగా బోయ‌పాటి త‌దుప‌రి చిత్రంలో కూడా న‌టించేందుకు ఓకే చెప్ప‌డంతో ఫుల్ బిజీ అయిపోయింది ర‌కుల్.