தனியார் தொலைக்காட்சி ஒன்றில் ஒளிபரப்பாகி வரும் கலக்க போவது யாரு நிகழ்ச்சியின் தொகுப்பாளர்களான ஜாக்குலின், ரக்சன் ஏற்கனவே பிரபலம் அடைந்த நிலையில், ஜாக்குலின், நயன்தாராவின் 'கோலமாவு கோகிலா' படத்தில் அவருக்கு சகோதரியாக நடித்துவருகிறார்.

இந்த நிலையில் இதே நிகழ்ச்சியை தொகுத்து வழங்கும் ரக்சனும் தற்போது புதிய திரைப்படம் ஒன்றில் நடிக்க ஒப்பந்தமாகியுள்ளார். துல்கர் சல்மான் நடிப்பில் அறிமுக இயக்குனர் தேசிங் பெரியசாமி இயக்கத்தில் உருவாகவுள்ள 'கண்ணும் கண்ணும் கொள்ளை அடித்தால்' படத்தில் ரக்சன் ஒரு முக்கிய வேடத்தில் நடிக்கவுள்ளார். இந்த தகவலை துல்கர் சல்மான் தனது சமூக வலைத்தளத்தில் பதிவு செய்யப்பட்ட  வீடியோ ஒன்றில் உறுதி செய்துள்ளார்.

சந்தானம், சிவகார்த்திகேயன், மா.கா.பா போன்றவர்களை தொடர்ந்து ரக்சன், ஜாக்குலினும் சினிமாவில் புகழ் பெற வாழ்த்துவோம்