என் ஆணுறை விளம்பரத்தை பார்த்து அரசு ஏன் பயப்படுகிறது? பிரபல நடிகை கேள்வி
- IndiaGlitz, [Saturday,December 30 2017]
பிரபல பாலிவுட் கவர்ச்சி நடிகை ராக்கி சாவந்த். இவர் தமிழில் 'என் ச்கியே மற்றும் 'கம்பீரம்' ஆகிய படங்களிலும் நடித்துள்ளார். இந்த நிலையில் சமீபத்தில் இவர் நடித்த ஆணுறை விளம்பரம் ஒன்று நாடு முழுவதும் பிரபலமானது. ஆனால் இந்த விளம்பரம் வெளியான ஒருசில நாட்களில் காலை 6 மணி முதல் இரவு பத்து மணி வரை ஆணுறை விளமபரங்கள் தொலைக்காட்சியில் ஒளிபரப்ப மத்திய அரசு தடை விதித்தது
இதுகுறித்து கருத்து கூறிய ராக்கி சாவந்த், 'சன்னி லியோன், பிரபாஷா பாசு ஆகியோர் ஆணுறை விளம்பரத்தில் நடித்த போது அரசு எந்த தடையும் விதிக்கவில்லை. ஆனால் நான் நடித்த ஆணுறை விளம்பரம் பிரபலமான போது மட்டும் காலை 6 மணி முதல் இரவு 10 மணி வரை ஆணுறை விளம்பரத்தை ஒளிபரப்ப அரசு தடை விதித்துள்ளது.
என் விளம்பரம் பிரபலமானதால் அரசுக்கு அவ்வளவு பயமா? அப்படி அரசுக்கு என்ன பிரச்சினை? என்னை குறி வைத்தே இந்த விளம்பரத்துக்கு தடை விதிக்கப்பட்டுள்ளதாக தெரிகிறது. நான் இந்த விளம்பரத்தில் ஒரு சேவை மனப்பான்மையுடன் தான் நடித்தேன். ஆணுறை பற்றிய விழிப்புணர்வு இல்லை என்றால் இந்தியாவில் எய்ட்ஸ் நோயாளிகள் அதிகமாவார்கள். இதை அரசு விரும்புகிறதா? மேலும் குழந்தைகளும் ஆணுறை குறித்தும் அதன் பயன்பாடு குறித்தும் தெரிந்து கொள்ள வேண்டும். அவர்கள் தூங்கிய பின்னர் ஒளிபரப்புவதில் என்ன பயன்? பிரதமர் மோடி எனக்கு ஆதரவளித்து அரசின் இந்த முடிவை மாற்றுவார் என நம்புகிறேன்' என்று ராக்கி சாவந்த் கூறியுள்ளார்..