ரஜினி மன்றத்தில் இருந்து ராஜூ மகாலிங்கம் நீக்கமா?
- IndiaGlitz, [Thursday,July 12 2018]
சூப்பர் ஸ்டார் ரஜினிகாந்த் இன்னும் அரசியல் கட்சியே ஆரம்பிக்கவில்லை. அதற்குள் அவரது ரஜினி மக்கள் மன்றத்தில் ஒருசில குழப்பங்கள் எழுந்துள்ளதாக செய்திகள் வெளிவந்து கொண்டிருக்கின்றது.
இந்த நிலையில் லைகா நிறுவனத்தின் கிரியேட்டிங் தலைவராக இருந்த ராஜூ மகாலிங்கம் ரஜினி மக்கள் மன்றத்தில் இணைந்தார். அவரை 'ரஜினி மக்கள் மன்றத்தின் மாநிலச் செயலாளராக ரஜினிகாந்த் சமீபத்தில் நியமித்தார். ஆனால் கடந்த சில வாரங்களாகவே ரஜினிக்கும் ராஜூ மகாலிங்கம் அவர்களுக்கும் கருத்துவேறுபாடு இருந்ததாகவும் இதனால் இருவரும் சில நாட்களாக சந்தித்து கொள்ளவில்லை என்றும் ரஜினி மக்கள் மன்றத்தில் இருந்து ராஜு மகாலிங்கம் நீக்கப்பட்டுவிட்டதாகவும் கூறப்பட்டது.
ஆனால் இந்த தகவலை ரஜினி மக்கள் மன்றத்தின் நிர்வாகிகள் மறுத்துள்ளனர். சமூக வலைத்தளங்களில் ரஜினி மக்கள் மன்றத்திலிருந்து ராஜு மஹாலிங்கம் அவர்களை நீக்கி விட்டதாக செய்தி பரவிவருவது உண்மைக்கு புறம்பானது என்றும் இந்த செய்தியை யாரும் நம்ப வேண்டாம் என்று ரஜினி மக்கள் மன்றத்தின் நிர்வாகிகள் தெரிவித்துள்ளனர்.