రాజశేఖర్ ని తేజ తీసేయడానికి కారణం ఇదే..
- IndiaGlitz, [Thursday,April 07 2016]
తేజ తెర‌కెక్కిస్తున్న చిత్రంలో ఒక‌ప్ప‌టి యాంగ్రీ యంగ్ మెన్ రాజశేఖర్ విల‌న్ గా న‌టిస్తున్న‌ట్టు వార్త‌లు వ‌చ్చాయి. దీంతో.. రాజశేఖర్ మంచి నిర్ణ‌యం తీసుకున్నారు అనుకున్నారు. ఇంత‌లోనే ఈ సినిమా నుంచి రాజశేఖర్ అవుట్ అంటూ వార్త‌లు. ఇంత‌కీ ఏం జ‌రిగింది అంటే... షూటింగ్ కి రాజశేఖర్ ఎప్ప‌డూ టైమ్ కి వ‌చ్చేవారు కాద‌ట. ఇది తేజ‌కి న‌చ్చ‌లేద‌ట.
రాజశేఖర్ శ్రీమ‌తి జీవిత..తేజ ఇద్ద‌రూ చిన్న‌నాటి స్నేహితులు. రాజశేఖర్ షూటింగ్ ఆల‌స్యంగా వ‌స్తున్న విష‌యాన్ని జీవిత‌కి ఫోన్ చేసి చెప్పాడ‌ట తేజ. ఇలాగే కంటిన్యూ అయితే రాజశేఖర్ ఈ సినిమాలో న‌టించ‌డు అని చెప్పేసాడ‌ట. అయినా...తేజ మాట‌ను ఏమాత్రం లెక్కచేయ‌కుండా య‌ధాప్ర‌కారం రాజశేఖర్ షూటింగ్ కి ఆల‌స్యంగా వ‌చ్చేవాడ‌ట. దీంతో తేజ‌కి కోపం వ‌చ్చింద‌ట. ఇక లాభం లేద‌నుకుని ఈ సినిమాలోంచి రాజశేఖర్ ని త‌ప్పించేసాడని టాక్.