స్టూడెంట్ నెం.1 నుంచి బాహుబ‌లి 2 వ‌ర‌కు వ‌రుస విజ‌యాల‌తో సంచ‌ల‌నం సృష్టించిన ద‌ర్శ‌కుడు ఎస్‌.ఎస్‌.రాజ‌మౌళి. బాహుబ‌లి సిరీస్‌తో అంతర్జాతీయ స్థాయిలో గుర్తింపుని సంపాదించుకున్న రాజ‌మౌళి.. త‌న త‌దుప‌రి చిత్రాన్ని యంగ్ టైగ‌ర్ ఎన్టీఆర్‌, మెగాప‌వ‌ర్ స్టార్ రామ్‌చ‌ర‌ణ్‌తో మ‌ల్టీస్టార‌ర్ మూవీగా చేయ‌బోతున్నార‌ని చాలా రోజులుగా వార్త‌లు వినిపిస్తున్న సంగ‌తి తెలిసిందే.

తాజా స‌మాచారం ప్ర‌కారం.. ఈ సినిమా పూర్తి కుటుంబ క‌థా చిత్రంగా తెర‌కెక్క‌నుంద‌ని తెలిసింది. అయితే.. దీనిపై ఎలాంటి అధికారిక ప్ర‌క‌ట‌న రాలేదు. ప్ర‌స్తుతం రామ్‌చర‌ణ్‌.. రంగ‌స్థ‌లంతో బిజీగా ఉన్న సంగ‌తి తెలిసిందే. ఈ చిత్రం పూర్త‌య్యాక బోయ‌పాటితో ఓ సినిమా చేయ‌బోతున్నాడు చ‌ర‌ణ్‌.

ఇక ఎన్టీఆర్ విష‌యానికి వ‌స్తే.. జై ల‌వ కుశ త‌రువాత చిన్న విరామం తీసుకున్న తార‌క్‌.. త‌న త‌దుప‌రి చిత్రాన్ని త్రివిక్ర‌మ్ శ్రీ‌నివాస్‌తో చేయ‌బోతున్నాడు. ఇటీవ‌లే పూజా కార్య‌క్ర‌మాలు జ‌రుపుకున్న ఈ సినిమా వ‌చ్చే ఏడాది ఆరంభంలో రెగ్యుల‌ర్ షూటింగ్ జ‌రుపుకోనుంది.