தனுஷின் 'பவர் பாண்டி'யில் இணைந்த 80களின் கனவு நாயகி
- IndiaGlitz, [Wednesday,September 07 2016]
நடிகர், தயாரிப்பாளர் தனுஷ் முதன்முதலாக ஒரு படத்தை இயக்கவுள்ளார் என்பதையும், 'பவர்பாண்டி' என்ற டைட்டில் வைக்கப்பட்டுள்ள இந்த படத்தில் பிரபல நடிகர் ராஜ்கிரண் ஹீரோவாக நடிக்கவுள்ளார் என்பதையும் ஏற்கனவே பார்த்தோம்.
இந்நிலையில் இந்த படத்தில் கடந்த 80களின் கனவு நாயகியாக இருந்த நதியா இணைந்துள்ளார். இவர் ராஜ்கிரணின் மனைவியாக நடிக்கவுள்ளதாக செய்தி வெளிவந்துள்ளது.
தனுஷிடம் சமீபத்தில் கதை கேட்ட நதியா, தனது கேரக்டருக்குள்ள முக்கியத்துவத்தை உணர்ந்து உடனே நடிக்க சம்மத்தித்துள்ளதாக கூறப்படுகிறது.
இந்த படத்தின் படப்பிடிப்பை ஒரே கட்டமாக 30 நாட்களில் முடிக்க இயக்குனர் தனுஷ் திட்டமிட்டுள்ளதாகவும், சென்னை மற்றும் அதன் சுற்றுப்புறங்களில் இந்த படத்தின் படப்பிடிப்பு நடைபெறும் என்றும் தெரிகிறது.
மேலும் பிரசன்னா, சாயாசிங் உள்பட பலர் நடிக்கவுள்ள இந்த படத்தை தனுஷின் வொண்டர்பார் பிலிம்ஸ் நிறுவனம் தயாரிக்கவுள்ளது. சீன் ரோல்டான் இசையமைக்கும் இந்த படத்திற்கு வேல்ராஜ் ஒளிப்பதிவு செய்கிறார்.