முதன்முறையாக இணையும் மாதவன் -ராஜ்கிரண்
- IndiaGlitz, [Thursday,June 02 2016]
'இறுதிச்சுற்று' படத்தின் மூலம் கோலிவுட்டுக்கு ரீஎண்ட்ரி ஆன மாதவனுக்கு வாய்ப்புகள் குவிந்த நிலையில் அவர் ஏற்கனவே புஷ்கர்-காயத்ரி இயக்கும் கேங்ஸ்டர் படம் ஒன்றில் நடிக்கவுள்ளார். இந்நிலையில் 'பார்த்திபன் கனவு', 'பிரிவோம் சந்திப்போம்', உள்ளிட்ட பல படங்களை இயக்கிய இயக்குனர் கரு.பழனியப்பன் இயக்கத்தில் ஒரு படத்தில் மாதவன் நடிக்க ஒப்பந்தமாகியுள்ளார்
இந்த படத்தில் மாதவனுக்கு நிகரான முக்கியத்துவம் கொண்ட வேடத்தில் நடிக்க ராஜ்கிரண் அவர்களும் நடிக்க ஒப்பந்தம் செய்யப்பட்டுள்ளார். முதன்முறையாக மாதவன் - ராஜ்கிரண் இணையும் படம் என்பதால் இந்த படத்திற்கு எதிர்பார்ப்பு அதிகரித்துள்ளதாக தெரிகிறது.
இந்த படத்தின் நாயகி மற்றும் டெக்னிஷீயன்கள் தேர்வு நடைபெற்று வருவதாகவும், இந்த படம் குறித்த அதிகாரபூர்வ அறிவிப்பு விரைவில் வெளிவரவுள்ளதாகவும் இந்த படத்தின் படப்பிடிப்பு விரைவில் தொடங்கும் என்றும் கூறப்படுகிறது.