சிம்புவின் 'எஸ்.டி.ஆர். 48' படத்தை கைவிட்டதா ராஜ்கமல்? தனுஷ் பட தயாரிப்பாளரிடம் பேச்சுவார்த்தை?
- IndiaGlitz, [Sunday,July 07 2024]
சிம்பு நடிப்பில், கமலஹாசனின் ராஜ்கமல் பிலிம்ஸ் இன்டர்நேஷனல் நிறுவனத்தின் தயாரிப்பில், தேசிங்கு பெரியசாமி இயக்கத்தில் உருவாக இருப்பதாக அறிவிக்கப்பட்ட திரைப்படம் ‘எஸ்.டி.ஆர். 48’. இந்த படத்திற்காக கிட்டத்தட்ட ஒரு வருடம் ஆரம்பகட்ட பணிகள் நடந்ததாகவும், இந்த படத்தின் கேரக்டருக்காக சிம்பு ஒரு வருடம் தன்னை தயார் செய்து கொண்டதாகவும் தகவல் வெளியானது.
இந்நிலையில் தற்போது வெளிவந்துள்ள தகவலின்படி ராஜ்கமல் பிலிம்ஸ் நிறுவனம் ‘எஸ்.டி.ஆர். 48’ படத்தை தயாரிக்கவில்லை என்றும் அந்த படத்தில் இருந்து விலகிக் கொண்டதாகவும் கூறப்படுகிறது.
இதனை அடுத்து தற்போது இந்த படத்தை தயாரிக்க கனெக்ட் மீடியா & பிகே பிரைம் புரடொக்சன்ஸ் என்ற நிறுவனத்திடம் பேச்சுவார்த்தை நடத்தி வருவதாக கூறப்படுகிறது. இந்த நிறுவனம் ஏற்கனவே தனுஷின் ’இளையராஜா’ பயோபிக் திரைப்படத்தை தயாரிக்க உள்ளது என்பது குறிப்பிடத்தக்கது.
‘எஸ்.டி.ஆர். 48’ படத்தின் பட்ஜெட் மிக அதிகமாக இருப்பதாகவும் தற்போதைய சூழ்நிலையில் சாட்டிலைட் மற்றும் டிஜிட்டல் பிசினஸ் மிகவும் குறைவாக இருப்பதால் இந்த படத்தை தயாரிப்பதிலிருந்து ராஜ்கமல் பிலிம்ஸ் நிறுவனம் விலகி விட்டதாக கூறப்படுகிறது. இருப்பினும் இது குறித்த எந்தவிதமான அதிகாரபூர்வ அறிவிப்பும் வெளியாகவில்லை என்பது குறிப்பிடத்தக்கது.