திடீரென மருத்துவ விடுப்பில் சென்றாரா ராஜீவ்காந்தி மருத்துவமனை டீன்? அதிர்ச்சி தகவல்
- IndiaGlitz, [Sunday,June 14 2020]
சென்னையில் கொரோனா வைரஸ் நாளுக்கு நாள் மிக வேகமாக பரவி வருவதாக செய்திகள் வெளிவந்துள்ளதால், சென்னை மக்களுக்கு பெரும் கவலை தருவதாக உள்ளது. நேற்று மட்டும் சென்னையில் 1989 பேர் கொரோனாவால் பாதிக்கப்பட்டு உள்ளனர் என்பது குறிப்பிடத்தக்கது.
இந்த நிலையில் சென்னையில் பொதுமக்களுக்கு மட்டுமன்றி டாக்டர்கள், நர்சுகள் மற்றும் மருத்துவ ஊழியர்களுக்கும் கொரோனா வைரஸ் வேகமாக தாக்கி வருவது பெரும் அதிர்ச்சி உள்ளது. இந்த நிலையில் சென்னை ராஜீவ்காந்தி அரசு பொது மருத்துவமனையின் டீன் ஜெயந்தி என்பவர் திடீரென மருத்துவ விடுப்பில் சென்றதாக கூறப்படுகிறது. இதனை அடுத்து டீன் பொறுப்பை மருத்துவ கல்வி இயக்குனர் நாராயண பாபு என்பவர் கூடுதலாக கவனிக்க உள்ளார்.
ஏற்கனவே சென்னை ராஜீவ்காந்தி மருத்துவமனையில் பணியாற்றும் மருத்துவர்கள் முதுநிலை மாணவர்கள் என மொத்தம் 65 பேர்களுக்கு கொரோனா தொற்று உறுதியாகி உள்ளதாக செய்திகள் வெளிவந்துள்ள நிலையில் தற்போது சென்னை ராஜீவ் காந்தி அரசு பொது மருத்துவமனையின் டீன் திடீரென மருத்துவ விடுப்பில் சென்றுள்ளது பெரும் பரபரப்பை ஏற்படுத்தியுள்ளது.