கபாலி: ஹவாய் தீவில் ரிலீஸ் ஆகும் முதல் தென்னிந்திய படம்
- IndiaGlitz, [Monday,July 18 2016]
சூப்பர் ஸ்டார் ரஜினிகாந்த் நடித்த 'கபாலி' திரைப்படத்தின் டிக்கெட் முன்பதிவுகள் ஒவ்வொரு திரையரங்காக செய்யப்பட்டு வரும் நிலையில் ஒவ்வொரு திரையரங்கிலும் முன்பதிவு ஆரம்பித்த ஒருசில நிமிடங்களில் முதல் மூன்று நாட்களுக்குரிய காட்சிகளின் டிக்கெட்டுக்கள் விற்பனை முடிந்து வருகிறது.
தமிழகம் மட்டுமின்றி உலகம் முழுவதும் இந்த படத்தின் டிக்கெட்டை வாங்குவது ஒரு பெரிய சாதனையை செய்து முடிப்பதுபோல் மக்கள் எண்ணி வரும் நிலை ஏற்பட்டுள்ளது. இந்நிலையில் அமெரிக்காவில் உள்ள ஹவாய் தீவுகளில் உள்ள Regal Dole Cannery என்ற திரையங்கில் 'கபாலி' படம் ரிலீஸ் செய்யப்படவுள்ளது. இந்த தகவலை சினிகேலக்ஸி நிறுவனம் தனது சமூக வலைத்தளத்தில் உறுதி செய்துள்ளது.
இந்த திரையரங்கில் இதற்கு முன்னர் எந்த தென்னிந்திய படம் வெளியானது இல்லை என்பது குறிப்பிடத்தக்கது. முதன்முதலாக ஹவாய் தீவுகளில் உள்ள ரஜினி ரசிகர்கள் தங்கள் தலைவரின் முகத்தை திரையில் பார்க்கவுள்ளனர்.
மேலும் 'கபாலி' ரிலீஸ் ஆக இன்னும் மூன்றே நாட்கள் உள்ள நிலையில் இன்னும் என்னென்ன சாதனை படைக்கவிருக்கின்றது என்பதை பொறுத்திருந்து பார்ப்போம்.