இதய நோயாளியுடன் ரஜினி. ஒரு உணர்ச்சிமயமான சந்திப்பு
- IndiaGlitz, [Saturday,November 14 2015]
சூப்பர் ஸ்டார் ரஜினிகாந்த் நடித்து வரும் 'கபாலி' படத்தின் படப்பிடிப்பு தற்போது மலேசியாவில் விறுவிறுப்பாக நடைபெற்று வருகிறது. பா.ரஞ்சித் இயக்கி வரும் இந்த படத்தின் படப்பிடிப்பு தற்போது விறுவிறுப்பான கட்டத்தை எட்டியுள்ளது.
இந்நிலையில் படப்பிடிப்பு இல்லாத நேரங்களில் ரஜினிகாந்த், தனது மலேசிய ரசிகர்களை சந்தித்து வருவதாக செய்திகள் வெளிவந்துள்ளது. இந்நிலையில் அவரது தீவிர ரசிகை ஒருவர் இதய நோயால் பாதிக்கப்பட்டு சிகிச்சை பெற்று வருவதாகவும், அவர் ரஜினி மலேசியா வந்திருப்பதை அறிந்து அவரை சந்திக்க விருப்பம் தெரிவித்ததாகவும் ரஜினியிடம் தெரிவிக்கப்பட்டது.
இதையறிந்த ரஜினி, சிகிச்சை பெற்று வரும் தனது ரசிகையை நேரில் சந்தித்துள்ளதாக கூறப்படுகிறது. இந்த சந்திப்பு உணர்ச்சிமயமாக இருந்ததாகவும், மலேசிய ரசிகையும், அவரது குடும்பத்தினர்களும் ரஜினியின் வருகை குறித்து மிகுந்த சந்தோஷம் அடைந்துள்ளதாகவும் செய்திகள் வெளிவந்துள்ளது.