'காபில்' படக்குழுவினர்களுக்கு வாழ்த்து தெரிவித்த 'கபாலி' நாயகர்
- IndiaGlitz, [Friday,December 23 2016]
கடந்த 1986ஆம் ஆண்டு சூப்பர் ஸ்டார் ரஜினிகாந்த் நடித்த இந்தி படமான 'பஹ்வான் தாதா' என்ற படத்தை தயாரித்தவர் ராகேஷ் ரோஷன். இந்த படத்தின்போது தொடங்கிய ரஜினி-ராகேஷ் நட்பு 30 வருடங்களாக நீடித்து வருகிறது. கடந்த 12ஆம் தேதி கூட ரஜினிக்கு ராகேஷ் பிறந்த நாள் வாழ்த்து தெரிவித்தார். அதற்கு ரஜினியும் நன்றி தெரிவித்தார்.
இந்நிலையில் ராகேஷ் ரோஷனின் தயாரிப்பில் ஹிருத்திக் ரோஷன் நடித்த 'காபில்' என்ற திரைப்படம் தமிழிலும் 'பலம்' என்ற பெயரில் வெளியாகவுள்ளது.
இந்த படத்தின் டிரைலரை சமீபத்தில் பார்த்த ரஜினிகாந்த், தனது 30 ஆண்டுகால நண்பர் ராகேஷ் ரோஷனின் படக்குழுவுக்கு குறிப்பாக நாயகன் ஹிருத்திக் ரோஷனுக்கு பாராட்டு தெரிவித்துள்ளார். "காபில்' படத்தின் தமிழ் – ஹிந்தி மற்றும் தெலுங்கு டிரைலர்களை பார்த்தேன்….அவை என்னை மிகவும் கவர்ந்துவிட்டது. ஹிருத்திக் இதில் மிக பிரம்மாண்டமாக தோன்றி இருக்கிறார்… படத்திற்காக நான் மிகுந்த ஆவலோடு காத்து கொண்டிருக்கிறேன் என்று ஹிருத்திக்கிடம் தெரியப்படுத்துங்கள்…" என்று ரஜினிகாந்த் தனது வாழ்த்தில் தெரிவித்துள்ளார்.
சஞ்சய் குப்தா இயக்கத்தில் ஹ்ரித்திக் – யாமி கௌதம் நடிப்பில் உருவாகியுள்ள இந்த படம் வரும் ஜனவரி 25ஆம் தேதி உலகம் முழுவதும் வெளியாகவுள்ளது.