சூப்பர் ஸ்டார் ரஜினிகாந்த் தனது பேரன்களுடன் மாஸாக இருக்கும் புகைப்படம் வெளியாகி உள்ள நிலையில் அந்த புகைப்படம் தற்போது வைரலாகி வருகிறது.

சூப்பர் ஸ்டார் ரஜினிகாந்த் நேற்று தனது 72-வது பிறந்த நாளை கொண்டாடினார் என்பதும் அவருக்கு தமிழக முதல்வர் முக ஸ்டாலின், எதிர்க்கட்சித் தலைவர் எடப்பாடி பழனிச்சாமி உள்பட பல அரசியல் பிரபலங்கள் வாழ்த்துக்களை தெரிவித்தார் என்பதும், குறிப்பாக அவரது நீண்ட நாள் நண்பர் கமல்ஹாசன் தனது டுவிட்டரில் வாழ்த்து தெரிவித்தார் என்பதை ஏற்கனவே பார்த்தோம்.

இந்த நிலையில் நேற்று போயஸ் கார்டனில் உள்ள ரஜினிகாந்த் வீட்டில் ரஜினியை காண்பதற்காக கூட்டம் கூடிய நிலையில் லதா ரஜினிகாந்த் அவர்கள் வெளியே வந்து ரஜினி ஊரில் இல்லை என்றும் எனவே மழையில் தயவு செய்து யாரும் காத்திருக்க வேண்டாம் என்றும் அவர் வந்தவுடன் ரசிகர்களைச் சந்திப்பார் என்றும் அவர் தெரிவித்தார்.

இந்த நிலையில் ரஜினிகாந்த் தனது இரண்டு பேரன்களுடன் இருக்கும் மாஸ் புகைப்படம் இணையதளங்களில் வெளியாகி வைரலாகி வருகிறது. ஒரு பேரன் அவருடைய தோளில் கை போட்டு இருப்பது போலவும் இன்னொரு பேரன் அவரது கால் அருகே உட்கார்ந்திருப்பது போன்ற புகைப்படமும் வைரலாகிறது. ரஜினியின் மூத்த மகளான ஐஸ்வர்யாவின் மகன்களான லிங்கா மற்றும் யாத்ரா ஆகியோர்களுடன் ரஜினிகாந்த் இருக்கும் இந்த புகைப்படம் மிகப்பெரிய அளவில் ரசிகர்களை கவர்ந்துள்ளது என்பது குறிப்பிடத்தக்கது.