தமிழக இளைஞர் மற்றும் விளையாட்டுத்துறை அமைச்சர் உதயநிதி ஸ்டாலின் நேற்று துணை முதல்வராக பொறுப்பேற்றுக் கொண்ட நிலையில், கிட்டத்தட்ட அனைத்து அரசியல்வாதிகளும், திரையுலக பிரபலங்களும் தங்களது சமூக வலைதளங்கள் மூலம் அல்லது நேரில் வாழ்த்து தெரிவித்தனர்.

குறிப்பாக உலக நாயகன் கமல்ஹாசன் தன்னுடைய எக்ஸ் பக்கத்தில் வாழ்த்து தெரிவித்தார். அதேபோல் தனுஷ், சிம்பு, கார்த்தி, ஜெயம் ரவி, சிவகார்த்திகேயன், வெங்கட் பிரபு, மாரி செல்வராஜ், அருள்நிதி உள்ளிட்ட பலரும் தங்களது எக்ஸ் பக்கத்தில் வாழ்த்து தெரிவித்தனர்.

ஆனால், ரஜினிகாந்த் துணை முதல்வருக்கு தனது எக்ஸ் பக்கத்தில் எந்தவிதமான வாழ்த்து பதிவும் செய்யாத நிலையில், அவர் தொலைபேசி மூலம் உதயநிதிக்கு வாழ்த்துக்களை தெரிவித்ததாக தகவல் வெளியாகியுள்ளது.

இதனைத் தொடர்ந்து, தமிழ் திரையுலகில் உள்ள கிட்டத்தட்ட அனைத்து நட்சத்திரங்களும் துணை முதல்வர் உதயநிதி ஸ்டாலினுக்கு வாழ்த்து தெரிவித்தனர் என்பது குறிப்பிடத்தக்கது.