வாழ்க்கையே போராட்டமாகிவிட்டது: ரஜினியின் புத்தாண்டு வாழ்த்து
- IndiaGlitz, [Saturday,April 14 2018]
இன்று உலகம் முழுவதிலும் வாழும் தமிழர்கள் தமிழ்ப்புத்தாண்டை கொண்டாடி வரும் நிலையில் தமிழ் மக்களுக்கு பிரதமர் மோடி உள்பட பிரபல தலைவர்கள் தமிழ்ப்புத்தாண்டு வாழ்த்துக்களை தெரிவித்து வருகின்றனர்.
இந்த நிலையில் விரைவில் தமிழக அரசியல் களத்தில் குதிக்கவுள்ள சூப்பர் ஸ்டார் ரஜினிகாந்த் தனது சமூக வலைத்தளபக்கத்தில் தமிழ்ப்புத்தாண்டு வாழ்த்துக்களை தெரிவித்துள்ளார். அவரது வாழ்த்து செய்தியில் கூறியிருப்பதாவது
உழும் நிலத்தை, சுவாசிக்கும் காற்றை, அருந்தும் நீரைக் காக்க, நீதியை நிலைநாட்டி நம் உரிமையைப் பெறக்கூட போராட்டம் என வாழ்க்கையே போராட்டமாகிவிட்ட நிலையில், இன்று பிறக்கும் புத்தாண்டு மகிழ்ச்சிகரமாக அமையவும் அனைவரின் வாழ்வு வளம் பெறவும் இறைவன் அருள வேண்டும்; புத்தாண்டு நல்வாழ்த்துகள்.