சூப்பர் ஸ்டார் ரஜினிகாந்த் தற்போது ஆன்மீக பயணமாக இமயமலை சென்றுள்ளார் என்பதும் அவர் கேதார்நாத், பத்ரிநாத் மற்றும் பாபா குகை ஆகிய பகுதிகளுக்கு சென்ற புகைப்படம் மற்றும் வீடியோக்கள் இணையத்தில் வைரல் ஆனது என்பதையும் ஏற்கனவே பார்த்தோம்.

இந்த நிலையில் நாடாளுமன்ற தேர்தல் முடிவுகள் வெளியாகி புதிய ஆட்சி அமைய இருக்கும் நிலையில் மீண்டும் ஆட்சி அமைக்க குடியரசு தலைவரிடம் பிரதமர் மோடி உரிமை கோர இருப்பதாகவும் ஜூன் 8-ம் தேதி பதவியேற்பு விழா நடத்த திட்டமிடப்பட்டு இருப்பதாகவும் கூறப்படுகிறது.

இந்த நிலையில் மோடி பதவியேற்பு விழாவில் கலந்து கொள்ள ரஜினிகாந்த் செல்ல இருப்பதாகவும் இமயமலையிலிருந்து நேராக அவர் டெல்லி செல்ல இருப்பதாகவும் கூறப்படுகிறது. அதுமட்டுமின்றி ரஜினியின் நெருங்கிய நண்பரான சந்திரபாபு நாயுடுவை சந்திக்கவும் அவர் டெல்லி செல்ல இருப்பதாகவும் பிரதமர் மோடி மற்றும் சந்திரபாபு நாயுடு ஆகியோர்களிடம் ரஜினிகாந்த் முக்கிய பேச்சுவார்த்தை நடத்த வாய்ப்பு இருப்பதாகவும் கூறப்படுகிறது.

ரஜினிகாந்த் டெல்லி செல்ல இருப்பதாக செய்திகள் சமூக வலைதளங்களில் கசிந்து வந்தாலும் ரஜினிகாந்த் தரப்பில் இருந்து இன்னும் இந்த தகவல் உறுதி செய்யப்படவில்லை என்பது குறிப்பிடத்தக்கது.