రజనీ భార్య పాత్రలో...
- IndiaGlitz, [Sunday,June 11 2017]
తెలుగు హీరోల‌కు అమ్మ పాత్రలో మెప్పిస్తున్న ఈశ్వ‌రీ రావు అంద‌రికీ గుర్తుండే ఉంటుంది. ఇప్పుడు ఈశ్వ‌రీ రావు త‌మిళ సూప‌ర్‌స్టార్ ర‌జ‌నీకాంత్ భార్య పాత్రలో క‌న‌ప‌డుతుంద‌ని స‌మాచారం. అదేంటి బాలీవుడ్ భామ హ్యుమా ఖురేషి అన్నారుగా అనే సందేహం రావ‌చ్చు. కానీ మ‌రి అంత పూర్తి వివ‌రాలు తెలియ‌వు కానీ, ఈశ్వ‌రీరావు మాత్రం ర‌జ‌నీకాంత్ ప‌క్క‌న న‌టిస్తుంద‌ని అంటున్నారు.
అల్రెడి యూనిట్ ముంబైలో మొద‌టి షెడ్యూల్ పూర్తి చేసుకుంది. ఈ నెల 24 నుండి చెన్నైలో సెకండ్ షెడ్యూల్ స్టార్ట్ అవుతుంది. పా రంజిత్ దర్శకత్వంలో రూపొంద‌తున్న ఈ సినిమాను వండ‌ర్‌బార్స్ బ్యాన‌ర్‌పై ధ‌నుష్ నిర్మిస్తున్నాడు. మాఫియా డాన్ పాత్రలో ర‌జ‌నీకాంత్ నటిస్తున్న ఈ చిత్రంలో బాలీవుడ్ న‌టుడు నానా ప‌టేక‌ర్ విల‌న్‌గా న‌టిస్తుంటే, మ‌రో బాలీవుడ్ న‌టుడు పంక‌జ్ తివారీ పోలీస్ అధికారి పాత్రలో క‌న‌ప‌డ‌తాడ‌ట.