షాకింగ్ వీడియోను పోస్ట్ చేసిన రజనీకాంత్ సతీమణి!
- IndiaGlitz, [Monday,July 22 2019]
సూపర్‌స్టార్ రజనీకాంత్ సతీమణి లత తన ట్విట్టర్ వేదికగా ఓ షాకింగ్ వీడియోను పోస్ట్ చేశారు. ఈ వీడియోను చూసిన జనాలంతా ఒకింత తీవ్ర ఆవేదనకు లోనవుతున్నారు. ఇలాంటి మనుషులు కూడా సమాజంలో ఉంటారా..? అని ఆశ్చర్యపోతున్నారు. నిండా రెండేళ్లు కూడా నిండని ఓ చిన్నారిని మహిళ పీక పిసకడం.. కాళ్లతో తన్నడం.. మీదెక్కి కూర్చోని గట్టిగా కొట్టడాన్ని ఈ వీడియోలో మనం చూడొచ్చు. ఈ వీడియోను ఎవరు తీశారో ఏమోగానీ.. లత కంటపడటంతో తీవ్ర ఆవేదన, భావోద్వేగానికి లోనైన ఆమె.. తన ట్విట్టర్ ద్వారా వీడియోను పంచుకున్నారు.
అంతటితో ఆగని ఆమె..ఇందులో తీవ్ర చిత్ర హింసలను అనుభవిస్తున్న బాలిక ఎవరో ఎవరికైనా తెలిస్తే, తమకు తెలియజేయండని ఓ ఫోన్ నంబర్‌ను కూడా ట్విట్టర్‌లో రాసుకొచ్చారు. అయితే ఈ వీడియో చూసిన వారు ఈ ఘటనకు పాల్పడిన మహిళపై తీవ్ర ఆగ్రహం వ్యక్తం చేస్తున్నారు. సదరు బాలిక ఎవరో తెలిస్తే.. వెంటనే చెప్పాలని.. బాలికకు రక్షణ కల్పించేందుకు తాము సిద్ధంగా ఉన్నామన్నారు. ఇదిలా ఉంటే.. అనాధ బాలల కోసం ‘దయా ఫౌండేషన్’ను నిర్వహిస్తూ.. వారిని ఆదుకునేందుకు తనవంతుగా లత ప్రయత్నిస్తున్న సంగతి తెలిసిందే. ‘పీస్‌ ఆఫ్‌ చిల్డ్రన్స్‌’ పేరిట లత పలు సేవాకార్యక్రమాలను నిర్వహిస్తుంటారన్న విషయం విదితమే.
Peace for Children:let's come together and make a difference.Kindly request everyone to help track this atrocity been committed to a helpless child.Justice must be served and the guilty punished if anyone has any information please share with us at our toll free number18001208866 pic.twitter.com/QFtMsOAbcu
— Latha Rajinikanth (@OfficialLathaRK) July 19, 2019