தனுஷ் மற்றும் சவுந்தர்யாவுக்கு ரஜினி கொடுத்த இன்ப அதிர்ச்சி
- IndiaGlitz, [Saturday,April 01 2017]
தனுஷ் நடித்த 'வேலையில்லா பட்டதாரி' திரைப்படம் கடந்த 2014ஆம் ஆண்டு வெளிவந்து சூப்பர் ஹிட் ஆகிய நிலையில் கடந்த சில மாதங்களாக 'விஐபி 2' படத்தின் படப்பிடிப்பு நடைபெற்று வந்தது. இந்த நிலையில் இன்றுடன் இந்த படத்தின் படப்பிடிப்பு முடிவடைந்துள்ளது.
இன்றைய கடைசி தின படப்பிடிப்பில் சூப்பர் ஸ்டார் ரஜினிகாந்த், கலைப்புலி எஸ்.தாணு ஆகியோர் கலந்து கொண்டு படக்குழுவினர்களுக்கு வாழ்த்துக்கள் மற்றும் ஆசியை வழங்கினர். இதுகுறித்து தனுஷ் தனது சமூக வலைத்தளத்தில் கூறியபோது, 'தலைவர் அவர்களின் ஆசியுடன் இன்றுடன் 'விஐபி 2' படப்பிடிப்பு முடிவடைந்தது. அனைவருக்கும் நன்றி என்று கூறியுள்ளார்.
சூப்பர் ஸ்டார் ரஜினியின் இளையமகள் செளந்தர்யா ரஜினிகாந்த் இயக்கியுள்ள இந்த படத்தில் தனுஷ், அமலாபால், கஜோல், விவேக், சமுத்திரக்கனி, சரண்யா பொன்வண்ணன் மற்றும் பலர் நடித்துள்ளனர். கலைப்புலி எஸ்.தாணு தயாரித்துள்ள இந்த படத்திற்கு சீன் ரோல்டான் இசையமைத்துள்ளார்.