சூப்பர் ஸ்டார் ரஜினிகாந்த் அவர்கள் சமீபத்தில் தனது அரசியல் வருகையை உறுதி செய்தார் என்பதும் ரஜினி மக்கள் மன்றத்தை அரசியல் கட்சியாக பதிவு செய்ய அவரால் நியமனம் செய்யப்பட்ட அர்ஜுனா மூர்த்தி மற்றும் தமிழருவி மணியன் ஆகியோர் ஏற்பாடுகளை செய்து வருகின்றனர் என்பதும் தெரிந்ததே

இந்த நிலையில் நேற்று திடீரென ரஜினிகாந்த் தனது காரில் பெங்களூர் சென்றார் என்ற செய்தி வைரலாகியது. இதனை அடுத்து தற்போது அவர் பெங்களூர் சென்றதற்கான காரணம் தெரிய வந்துள்ளது

பெங்களூரில் இருக்கும் தனது மூத்த அண்ணன் சத்தியநாராயணா அவர்களிடம் ரஜினிகாந்த் ஆசி வாங்குவதற்காகவே பெங்களூர் சென்று உள்ளார். அரசியல் கட்சி தொடங்குவதற்கு முன் தனது அண்ணனிடம் ஆசி வாங்க வேண்டும் என்பதற்காக அவர் பெங்களூர் சென்றுள்ளார் என்பதும் அவர் அண்ணனின் காலில் விழுந்து ஆசி வாங்கிய புகைப்படங்கள் தற்போது வைரலாகி வருகிறது என்பதும் குறிப்பிடத்தக்கது

அரசியல் என்ற போரில் குதிக்கும் முன் அண்ணனிடம் ஆசீர்வாதம் வாங்கும் தலைவரின் புகைப்படங்களை ரஜினி ரசிகர்கள் தற்போது வைரல் ஆகி வருகின்றனர். மேலும் ரஜினிகாந்த் தனது பிறந்த நாள் வரை பெங்களூரில் தனது அண்ணன் வீட்டில் இருப்பார் என்று எதிர்பார்க்கப்படுகிறது

ரஜினிகாந்த் பெங்களூரு வந்திருந்தார் என்ற தகவல் தெரிந்ததும் ரசிகர்கள் அவருடைய அண்ணன் வீட்டின் முன் குவிந்தனர். அப்போது ரஜினிகாந்த் வெளியே வந்து ரசிகர்கள் முன் கை காட்டியதை அடுத்து ரசிகர்கள் மகிழ்ச்சி அடைந்தனர்