அரசியல் அறிவிப்புக்கு பின் ரஜினி சந்தித்த முதல் நபர்
- IndiaGlitz, [Tuesday,January 02 2018]
சூப்பர் ஸ்டார் ரஜினிகாந்த கடந்த 31ஆம் தேதி தனது அரசியல் அறிவிப்பை தெளிவாக அறிவித்ததோடு, அதற்கான முன்னேற்பாடுகளையும் தீவிரமாக செய்து வரும் நிலையில் நேற்று அவர் சென்னை மைலாப்பூரில் உள்ள ராமகிருஷ்ண மடத்திற்கு சென்றார்
தனது அரசியல் பாணி ஆன்மீக அரசியல் என்று அறிவித்த ரஜினிகாந்த், அதன்படி அரசியல் அறிவிப்புக்கு பின்னர் சென்னை மைலாப்பூரில் உள்ள ராமகிருஷ்ண மடத்திற்கு சென்று அங்குள்ள ஆன்மிக தலைவர் கெளதமானந்தாஜி மகராஜை அவர்களை சந்தித்தார்.
அரசியல் அறிவிப்புக்கு பின்னர் ரஜினியின் இந்த முதல் சந்திப்பு குறித்து ரஜினியிடம் இருந்து எந்தச் செய்தியும் வெளியாகவில்லை என்றாலும், தனது அரசியல் வருகை குறித்து ஆலோசனை செய்யவே ரஜினி கெளதமானந்தாஜி அவர்களை சந்தித்திருப்பார் என்று எதிர்பார்க்கப்படுகிறது. ஆன்மீக தலைவர்கள் ஆலோசனை மற்றும் ஆசிர்வாதத்தால் ரஜினியின் ஆன்மீக அரசியல் வெற்றி பெறுமா? என்பதை பொறுத்திருந்து பார்ப்போம்