காவிரியை அடுத்து ஸ்டெர்லைட் பிரச்சனைக்கும் குரல் கொடுத்த ரஜினி
- IndiaGlitz, [Saturday,March 31 2018]
சூப்பர் ஸ்டார் ரஜினிகாந்த் சமீபத்தில் காவிரி மேலாண்மை வாரியம் விவகாரம் குறித்து தனது சமூக வலைத்தளத்தில் கூறிய கருத்தை ஏற்கனவே பார்த்தோம். காவிரி விஷயத்தில் உச்ச நீதிமன்ற தீர்ப்பின்படி காவிரி மேலாண்மை வாரியம் அமைப்பது ஒன்று மட்டுமே நாம் ஏற்றுக்கொள்ளக்கூடிய நியாயமான தீர்வாக இருக்க முடியும் என்று ரஜினிகாந்த் அழுத்தமாக தனது கருத்தை பதிவு செய்திருந்தார்
இந்த நிலையில் கடந்த சில நாட்களாக தென்மாவட்டங்களை உலுக்கி வரும் ஸ்டெர்லைட் போராட்டம் குறித்தும் தற்போது அவர் கருத்து கூறியுள்ளார். ஸ்டெர்லைட் தொழிற்சாலையால் மக்கள் பல்வேறு நோய்களால் பாதிக்கப்பட்டிருக்கிறோம் என்று 47 நாட்களா அவதிப்பட்டு போராடிக்கொண்டிருக்கும் போது, தொழிற்சாலை நடத்த அனுமதி கொடுத்த அரசு எந்த நடவடிக்கையும் எடுக்காமல் வேடிக்கை பார்த்துக்கொண்டிருப்பது புரியாத புதிராக உள்ளது' என்று ரஜினிகாந்த் தனது சமூக வலைத்தளத்தில் கூறியுள்ளார்.
ஸ்டெர்லைட் போராட்டத்தில் நாளை கமல்ஹாசன் கலந்து கொள்ளவுள்ளதாக அறிவித்துள்ள நிலையில் இன்று ரஜினிகாந்த் இதுகுறித்து கருத்து கூறியுள்ளார் என்பது குறிப்பிடத்தக்கது.