புல்வாமா தாக்குதலுக்கு பலியான 40 இந்திய பாதுகாப்பு படை வீரர்களின் வீரமரணத்திற்கு பதிலடி தரும் வகையில் இன்று இந்தியா நடத்திய அதிரடி தாக்குதலுக்கு பாராட்டுக்கு குவிந்து வரும் நிலையில் இந்திய ராணுவத்திற்கு சூப்பர் ஸ்டார் ரஜினிகாந்த் சற்றுமுன் வாழ்த்து தெரிவித்துள்ளார்.

ரஜினிகாந்த் தனது டுவிட்டரில் 'BRAVO INDIA' என்ற இரண்டே இரண்டு வார்த்தைகளை மட்டும் பதிவு செய்து அதன் அருகில் இந்திய தேசிய கொடி படத்தையும் பதிவு செய்துள்ளார். மேலும் கைதட்டும் எமோஜிக்களையும் ரஜினி பதிவு செய்து தனது மகிழ்ச்சியை வெளிப்படுத்தியுள்ளார்.

ரஜினியின் இந்த டுவீட் பதிவு செய்யப்பட்டு ஒருசில நிமிடங்களே ஆன நிலையில் இந்த டுவீட்டுக்கு சுமார் 13 ஆயிரம் லைக்ஸ்களும், 3 ஆயிரத்திற்கும் மேலான ரீடுவிட்டுகளும் பதிவாகியுள்ளது என்பது குறிப்பிடத்தக்கது.

ஏற்கனவே இந்திய ராணுவத்திற்கு நடிகர் கமல்ஹாசன் தனது டுவிட்டரில் வாழ்த்து தெரிவித்திருந்தார் என்பது குறிப்பிடத்தக்கது.
 

BRAVO INDIA ????????????????

— Rajinikanth (@rajinikanth) February 26, 2019