భారీ పారితోషికం తీసుకోనున్న రజనీకాంత్?
- IndiaGlitz, [Saturday,May 05 2018]
సూప‌ర్ స్టార్ ర‌జ‌నీకాంత్‌కున్న క్రేజ్ గురించి ప్ర‌త్యేకంగా చెప్ప‌న‌క్క‌ర్లేదు. ద‌క్షిణాదిలో మాత్ర‌మే కాదు.. ఉత్త‌ర భార‌త‌దేశంలోనూ ఆయ‌న సినిమాల‌కి మంచి డిమాండ్ ఉంటుంది. వ‌య‌సు పెరిగే కొద్దీ.. త‌న క్రేజ్‌తో పాటు పారితోషికం కూడా అంత‌కంత‌కూ పెరుగుతోందే త‌ప్ప త‌గ్గ‌డం లేదు. ఈ నేప‌థ్యంలో.. త‌న తాజా చిత్రం కోసం ఏకంగా రూ.65 కోట్లు అందుకోనున్నార‌ట ర‌జ‌నీ. పిజ్జా ద‌ర్శ‌కుడు కార్తీక్ సుబ్బ‌రాజ్ దర్శకత్వంలో స‌న్ పిక్చ‌ర్ నిర్మిస్తున్న చిత్రంలో రజనీకాంత్ క‌థానాయ‌కుడిగా న‌టిస్తున్న సంగ‌తి తెలిసిందే.
ఈ సినిమా కోసం ఆయ‌న కేటాయించేది కేవ‌లం 40 రోజులే. అయితే పారితోషికం మాత్రం రోజుకి రూ.కోటికిపైగానే ఉండ‌నుంద‌ని కోలీవుడ్ వ‌ర్గాలు పేర్కొంటున్నాయి. రజనీకాంత్ 165వ చిత్రంగా తెర‌కెక్క‌నున్న ఈ సినిమా అతి త్వ‌ర‌లోనే రెగ్యుల‌ర్ షూటింగ్ జ‌రుపుకోనుంది. ఇదిలా ఉంటే.. ఈ ఏడాది ర‌జ‌నీ రెండు చిత్రాల‌తో సంద‌డి చేయ‌నున్నారు. జూన్ 7న ఆయ‌న తాజా చిత్రం కాలా విడుదల కానుండ‌గా.. ఈ ఏడాది చివ‌ర లోపు 2.0 ప్రేక్ష‌కుల ముందుకు రానుంది.