సూప‌ర్‌స్టార్ ర‌జ‌నీకాంత్ హీరోగా తదుప‌రి సినిమాకు రంగం సిద్ధ‌మ‌వుతోందా? అంటే అవున‌నే అంటున్నాయి త‌మిళ సినీ వ‌ర్గాలు. '2.0' త‌ర్వాత ర‌జ‌నీకాంత్ 'పేట్ట‌' చిత్రీక‌ర‌ణ‌ను పూర్తి చేసుకుని పోస్ట్ ప్రొడ‌క్ష‌న్ ద‌శ‌లో ఉంది. కాగా ర‌జ‌నీకాంత్, ఎ.ఆర్.ముర‌గ‌దాస్ కాంబినేష‌న్‌లో ఓ సినిమా తెర‌కెక్క‌నుందనే వార్త‌లు చాలా రోజులుగా కోలీవుడ్‌లో విన‌ప‌డుతుంది.

ఈ సినిమా రాజ‌కీయ నేప‌థ్యంలో సాగుతుంద‌ట‌. త్వ‌ర‌లోనే ర‌జ‌నీకాంత్ రాజ‌కీయాల్లోకి అడుగు పెట్ట‌బోతున్న సంగ‌తి తెలిసిందే. ఈ నేప‌థ్యంలో ఈయ‌న పొలిటిక‌ల్ బ్యాక్‌డ్రాప్‌లో సినిమా చేస్తే దానికి వ‌చ్చే క్రేజే వేరుగా ఉంటుంది. ఇది వ‌ర‌కు ఓ ప్రెస్‌మీట్‌లో ర‌జ‌నీకాంత్‌తో సినిమా చేస్తే అందులో ఫిక్ష‌న్ కూడా ఉంటుంద‌ని ముర‌గ‌దాస్ తెలియ‌జేసిన సంగ‌తి తెలిసిందే.

తాజా స‌మాచారం ప్ర‌కారం ఈ చిత్రానికి నార్కాలి అనే టైటిల్ విన‌ప‌డుతుంది. నార్కాలి అంటే కుర్చీ అనే అర్థం. అంటే సీ ఎం కుర్చీ నేప‌థ్యంలో సినిమా ఉంటుంద‌నేగా అర్థం.