சூப்பர் ஸ்டார் ரஜினிகாந்த் அவர்கள் இன்று ரங்கராஜ் பாண்டே அவர்களின் சாணக்கியா சேனல் நிகழ்ச்சியில் சிறப்பு விருந்தினராக கலந்து கொண்டு பேசினார். அவர் பேசியதாவது:

நான் ஒரு புள்ளி போட்டேன். அந்த புள்ளி இப்போது அமைதியான சூழலாக மாறியுள்ளது. அந்த மெல்ல மெல்ல அலையாக மாறும். அலையாக மாற்ற இந்த ரஜினிகாந்த் வருவான். ரஜினி ரசிகர்களும் வருவார்கள். அந்த அலை கரையை நெருங்க நெருங்க, அதாவது தேர்தல் நெருங்க நெருங்க அரசியல் சுனாமியாக மாறும், அதிசயம் அற்புதம் நடக்கும்’ என்று ரஜினிகாந்த் பேசினார்.

மேலும் தேர்தல் அரசியல் சுனாமி ஏற்படுத்துவது என்பது ஆண்டவன் கையில் இருக்கிறது. ஆனால் ஆண்டவன் மக்களாகிய நீங்கள் தான். மேலும் எல்லார் பேச்சையும் கேட்கிறவனும் உருப்பட மாட்டான். யார் பேச்சையும் கேட்காதவனும் உருப்பட மாட்டான்’ என்று ரஜினிகாந்த் பேசினார். ரஜினியின் இன்றைய பேச்சு பெரும் பரபரப்பை ஏற்படுத்தியுள்ளது.