லேடி சூப்பர் ஸ்டார் நயன்தாரா மற்றும் இயக்குனர் விக்னேஷ் சிவன் திருமணம் சமீபத்தில் சென்னை அருகே நடைபெற்றது என்பதும் இந்த திருமணத்திற்கு சூப்பர் ஸ்டார் ரஜினிகாந்த், பாலிவுட் சூப்பர் ஸ்டார் ஷாருக்கான் உள்பட பல திரையுலக பிரபலங்கள் கலந்து கொண்டார்கள் என்பதும் தெரிந்ததே.

இந்த திருமணத்தின் வீடியோ நெட்பிளிக்ஸ் ஓடிடியில் வெளிவர இருப்பதை அடுத்து இந்தத் திருமணம் குறித்த புகைப்படங்கள் மற்றும் வீடியோக்கள் வெளிவரவில்லை என்பது குறிப்பிடத்தக்கது. இருப்பினும் விக்னேஷ் சிவன் தனது சமூக வலைத்தளத்தில் ஒரு சில திருமண புகைப்படங்களை மட்டும் வெளியிட்டார் என்பதும் அந்த புகைப்படங்கள் மிகப்பெரிய அளவில் வைரல் ஆனது என்பதும் தெரிந்ததே.

இந்த நிலையில் விக்னேஷ் சிவன் சமீபத்தில் வெளியிட்ட புகைப்படத்தில் ரஜினிகாந்த் மற்றும் ஷாருக்கான் ஆகிய இருவரும் நயன்தாராவை திருமண தினத்தில் வாழ்த்திய காட்சி இடம் பெற்று உள்ளது. நயன்தாராவின் கையை பிடித்துக்கொண்டு ரஜினிகாந்த் வாழ்த்துவதும், நயன்தாராவை தோளோடு கட்டிப்பிடித்து கொண்டு ஷாருக்கான் வாழ்த்துவதுமான காட்சியின் புகைப்படங்கள் தற்போது இணையதளங்களில் வைரலாக வருகிறது.