హీరో కావాలనుకోలేదు: రజనీకాంత్
- IndiaGlitz, [Saturday,August 17 2019]
''నేను హీరో కావాలని సినిమా ఇండస్ట్రీకి రాలేదు. విలన్ అవుదామనే వచ్చాను. అయితే నన్ను హీరోగా చేసిన వ్యక్తి కలైజ్ఞానంగారే'' అని అన్నారు సూపర్‌స్టార్ రజనీకాంత్. సీనియర్ రచయిత కలైజ్ఞానంకి ఏర్పాటు చేసిన పురస్కార కార్యక్రమంలో రజనీకాంత్ ముఖ్యఅతిథిగా హాజరయ్యారు. ''ఒకప్పుడు నేను 'భైరవి' అనే చిత్రంలో హీరోగా నటించాను. ఆ చిత్రం మంచి విజయాన్ని సాధించడమే కాకుండా.. నాకు మంచి పేరుని తెచ్చిపెట్టింది. విజయవంతమైన చిత్రాలకు హీరోలకే పేరు వస్తుంది. కథా రచయితలకు పేరు రాలేదు. కానీ ఈ పరిస్థితి కలైజ్ఞానంగారికి సొంత ఇల్లు లేదని తెలిసింది. ఆయనకు ఇల్లుని ఇస్తామని ప్రభుత్వం ప్రకటించింది. అయితే ప్రభుత్వానికి నేను ఆ అవకాశం ఇవ్వదలుచుకోలేదు. ఆయన కోసం నేనే ఓ మంచి ఇల్లు ఇస్తాను'' అని అన్నారు రజనీకాంత్.