சிவகார்த்திகேயன் நடித்த ‘அயலான்’ படத்தை சூப்பர் ஸ்டார் ரஜினிகாந்த் பார்த்துவிட்டு சொன்ன ஒரு வார்த்தை தனக்கு மிகவும் பெருமையாக இருப்பதாக சிவகார்த்திகேயன் சமீபத்தில் அளித்த பேட்டியில் தெரிவித்துள்ளார்.

சிவகார்த்திகேயன் நடிப்பில், ரவிக்குமார் இயக்கத்தில், ஏஆர் ரகுமான் இசையில் உருவான ‘அயலான்’ திரைப்படம் பொங்கல் விருந்தாக ஜனவரி 12ஆம் தேதி வெளியானது. இந்த படம் இரண்டே வாரத்தில் 75 கோடி ரூபாய் உலகம் முழுவதும் வசூல் செய்துள்ளதாக அறிவிக்கப்பட்டது.

மேலும் இன்று இந்த படம் தெலுங்கு மாநிலங்களில் வெளியாக உள்ள நிலையில் தெலுங்கு ஊடகம் ஒன்றுக்கு பேட்டியளித்த சிவகார்த்திகேயன், ‘சூப்பர் ஸ்டார் ரஜினிகாந்த் இந்த படத்தை பார்த்து தன்னை பாராட்டியதாக தெரிவித்துள்ளார். நீங்கள் எப்போதும் வித்தியாசமான கதைகளை தேர்வு செய்து நடிக்கிறீர்கள், நீங்கள் வித்தியாசமான படங்களை நடிப்பது தனக்கு மிகவும் பிடித்திருப்பதாக ரஜினிகாந்த் கூறியதாக சிவகார்த்திகேயன் தெரிவித்தார்.

அதற்கு சிவகார்த்திகேயன் ’நீங்கள் நடித்த ’எந்திரன்’ ’2.0’ போன்ற படங்கள் தான் எங்களுக்கு உந்துதலாக இருந்தது என்று கூறிய போது உடனே ரஜினி ’தற்போது நீங்கள் எங்களுக்கு உந்துதலாக இருக்கிறீர்கள் என்று கூறியதை நான் பெருமையுடன் கருதுகிறேன்’ என்று தெரிவித்துள்ளார்.