கடந்த இரண்டு நாட்களுக்கு முன்னர் தமிழக பாஜக தலைவர் தமிழிசை செளந்திரராஜன் முன்பு விமானத்தில் 'பாசிச பாஜக ஒழிக' என்று கோஷமிட்ட மாணவி சோபிகாவின் விவகாரம் இந்திய அளவில் டிரெண்டில் இருந்தது என்பது தெரிந்ததே

இந்த விவகாரம் பூதாகரமாகி அனைத்து அரசியல் தலைவர்களும் இதுகுறித்து தங்கள் கருத்தை தெரிவித்தனர். மேலும் செய்தி தொலைக்காட்சிகளில் கடந்த இரண்டு நாட்களாக இதுகுறித்துதான் விவாதம் நடந்து கொண்டிருக்கின்றது.

இருப்பினும் சூப்பர் ஸ்டார் ரஜினிகாந்த் இதுகுறித்து தனது கருத்தை இதுவரை தெரிவிக்காமல் இருந்தார். இந்த நிலையில் கார்த்திக் சுப்புராஜ் இயக்கி வரும் படத்தின் அடுத்தகட்ட படப்பிடிப்புக்காக இன்று உத்தரபிரதேசம் செல்ல ரஜினிகாந்த் சென்னை விமான நிலையம் வந்தார். அவரிடம் செய்தியாளர்கள் சோபியா விவகாரம் குறித்து கருத்து கூறுமாறு கேட்டனர். ஆனால் இதுகுறித்து கருத்து தெரிவிக்க விரும்பவில்லை என்று ரஜினி கூறிவிட்டு சென்றுவிட்டார். அதேபோல் தற்போது குட்கா விவகாரத்திற்காக நடைபெற்று வரும் சிபிஐ ரெய்டு குறித்தும் கருத்து தெரிவிக்க ரஜினிகாந்த் மறுத்துவிட்டார். இதனால் செய்தியாளர்கள் ஏமாற்றம் அடைந்தனர்.