మీటూ పై ర‌జ‌నీ స్పంద‌న
- IndiaGlitz, [Saturday,October 20 2018]
సూప‌ర్‌స్టార్ రజనీకాంత్ మీ టూ ఉద్య‌మంపై త‌న స్పంద‌న‌ను తెలియ‌జేశారు. నిన్న‌టితో పేట్ట చిత్రీక‌ర‌ణ‌ను పూర్తి చేసుకున్న ఆయ‌న నేడు చెన్నై చేరుకున్నారు. ఈ సంద‌ర్భంలో విలేఖ‌రుల‌తో ఆయ‌న మాట్లాడారు. మీటూ గురించి వారు అడిగిన దానిపై స్పందిస్తూ.. మీ టూ చాలా శ‌క్తివంత‌మైన ఉద్య‌మం.
మ‌హిళ‌ల‌కు త‌ప్ప‌కుండా మేలు చేస్తుంది. కానీ దాన్ని దుర్వినియోగం చేయ‌కుండా స‌రిగ్గా వినియోగించుకోవాలి' అన్నారు. అంతే కాకుండా వైర‌ముత్తుపై చిన్మ‌యి చేసిన ఆరోప‌ణ‌ల‌పై మాట్లాడుతూ 'వైర‌ముత్తు అలాంటిదేమీ లేద‌ని, చ‌ట్ట ప‌ర‌మైన చ‌ర్య‌లు తీసుకుంటాన‌ని అంటున్నారు క‌దా. చూద్దాం' అన్నారు.
అలాగే రాజ‌కీయ పార్టీపై మాట్లాడుతూ '90 శాతం పార్టీకి సంబంధించిన ప‌నులు పూర్త‌య్యాయి. స‌మ‌యం వ‌చ్చిన‌ప్పుడు నేను ప్ర‌క‌టిస్తాను' అన్నారు రజనీకాంత్.