சூப்பர் ஸ்டார் ரஜினிகாந்த் இமயமலை செல்வதற்காக நேற்று சென்னை விமான நிலையத்திற்கு சென்றார். அப்போது அவரிடம் நிருபர்கள் பேட்டி எடுத்தபோது தன்னுடைய ஆன்மீக பயணம் குறித்த விபரங்களை தெரிவித்தார்.

இந்த நிலையில் அவரிடம் அரசியல் குறித்த கேள்விகளும் தற்போதைய சட்ட ஒழுங்கு குறித்த கேள்விகளும் கேட்கப்பட்டன. ஆனால் இந்த கேள்விகளுக்கு அவர் பதில் சொல்ல மறுத்துவிட்டார். குறிப்பாக சமீபத்தில் உஷா, அஸ்வினி ஆகியோர்களின் மரணம் பெண்கள் பாதுகாப்பை கேள்விக்குறியாக்கியுள்ளதாகவும் இதுகுறித்து உங்கள் கருத்து என்ன? என்ற கேள்விக்கு அவர் பதிலளிக்காமல் அதற்கு பதிலாக 'வணக்கம்' என்று கூறிவிட்டு சென்றுவிட்டார்.

தமிழகத்தின் முக்கிய பிரச்சனைகளுக்கு ரஜினி வாய்ஸ் கொடுக்க மறுப்பதாக ஒரு கூட்டமும், ரஜினி வாய்ஸ் கொடுத்தால் மட்டும் அந்த பிரச்சனைக்கு தீர்வு ஏற்பட்டுவிடுமா? என்று இன்னொரு கூட்டமும் சமூக வலைத்தளங்களில் வாத பிரதிவாதம் செய்து கொண்டிருக்கின்றனர்.