పొలిటిక్ ఎంట్రీపై రజనీ ఏమన్నాడంటే...
- IndiaGlitz, [Monday,May 15 2017]
సూపర్‌స్టార్ ర‌జ‌నీకాంత్ ఎన్నికల ప్ర‌స్థానం గురించి ప్ర‌తిసారి ఏదో ఒక వార్త విన‌ప‌డుతూనే ఉంది. ఒక‌సారి ర‌జ‌నీకాంత్ కొత్త పార్టీ పెడ‌తాన‌ని అంటే, కొన్నిసార్లేమో ఓ ప్ర‌ముఖ పార్టీ నుండి రజనీ పోటీ చేస్తాడ‌ని, లేదు ర‌జ‌నీకాంత్ రాష్ట్ర‌ప‌తి రేసులో ఉన్నాడ‌ని వార్త‌లు విన‌ప‌డుతూనే ఉన్నాయి. కానీ ఎక్క‌డా క్లారిటీ రాలేదు. అయితే ఈరోజు చెన్నైలో అభిమానులు క‌లుసుకున్న ర‌జ‌నీకాంత్ త‌న పొలిక‌ల్ ఎంట్రీపై క్లారిటీ ఇచ్చేశాడు. నాలుగురోజుల పాటు అభిమానుల‌తో జ‌ర‌గ‌నున్న ఈ భేటీలో అభిమానుల‌తో ర‌జ‌నీకాంత్ సెల్ఫీలు దిగుతారు.
ఈ భేటీ సంద‌ర్భంగా ర‌జ‌నీకాంత్ మాట్లాడుతూ తాను త్వ‌ర‌లోనే కొత్త సినిమా షూటింగ్‌లో పాల్గొంటాన‌ని, రాజ‌కీయాల‌పై నేనెప్పుడూ వెనుక‌డుగు వేయ‌లేదు. రాజ‌కీయాల‌పై నా అభిప్రాయాన్ని నేనెప్పుడో స్ప‌ష్టం చేశాను. అయితే కొంద‌రు రాజ‌కీయ నాయ‌కులు నా పేరు దుర్వినియోగం చేస్తున్నారు. న‌ట‌నే నా వృత్తి. నా అభిమానులు కూడా నిజాయితీగా ఉండాల‌నే కోరుకుంటాను. అలాగే ఏ పార్టీకి మ‌ద్ధ‌తు ప‌ల‌క‌వ‌ద్దు అని అన్నారు.