விஜய்யை அடுத்து அரசியலுக்கு வரும் விஷால்.. ரஜினியின் ரியாக்சன்..!
- IndiaGlitz, [Saturday,February 10 2024]
சமீபத்தில் நடிகர் விஜய் அரசியலுக்கு வந்தார் என்பதும் அவரது அரசியல் வருகை குறித்த கேள்விக்கு ரஜினிகாந்த் ’வாழ்த்துக்கள்’ என்று கூறியதையும் பார்த்தோம். இந்த நிலையில் விஜய்யை அடுத்து விஷாலும் அரசியலுக்கு வர உள்ள நிலையில் இதுகுறித்து ரஜினிகாந்த் கூறிய கமெண்ட் பரபரப்பை ஏற்படுத்தியுள்ளது.
தமிழக அரசியல் களம் என்பது கடந்த 50 ஆண்டுகளுக்கு மேலாக திரையுலகினரை சார்ந்தே இருந்து உள்ளது. அண்ணாதுரை, கருணாநிதி, எம்ஜிஆர், ஜெயலலிதா, ரஜினிகாந்த், கமல்ஹாசன், தற்போது விஜய் என திரை உலகை சேர்ந்த பலர் அரசியலில் ஈடுபட்டு வருகின்றனர் என்பதை பார்த்து வருகிறோம்.
அந்த வகையில் சமீபத்தில் விஜய் ’தமிழக வெற்றி கழகம்’ என்ற அரசியல் கட்சியை தொடங்கிய நிலையில் கடந்த இரண்டு நாட்களுக்கு முன்பு நடிகர் விஷாலும் அரசியல் வருகை குறித்து ஒரு அறிக்கையை வெளியிட்டு இருந்தார்.
இந்த நிலையில் ’வேட்டையன்’ படத்தின் படப்பிடிப்பை முடித்துவிட்டு சென்னை திரும்பிய ரஜினிகாந்த், ‘விஷால் அரசியலுக்கு வருவது குறித்த கேள்விக்கு ’நோ பாலிடிக்ஸ், அரசியல் குறித்த கேள்வி கேட்க வேண்டாம்’ என்று தவிர்த்து விட்டார்.
மேலும் ’வேட்டையன்’ படம் குறித்து அவர் கூறியபோது 80 சதவீதம் படப்பிடிப்பு முடிந்து விட்டதாகவும் இன்னும் 20 சதவீதம் மட்டுமே உள்ளதாகவும் தெரிவித்தார் மேலும் இந்த படம் முடிந்த பிறகு லோகேஷ் கனகராஜ் இயக்கும் படத்தில் நடிக்க உள்ளதாகவும் அவர் கூறியுள்ளார்.