ரஜினியுடன் இணைந்த பிரபல விமான நிறுவனம்
- IndiaGlitz, [Friday,June 10 2016]
சூப்பர் ஸ்டார் ரஜினிகாந்த் நடித்த 'கபாலி' திரைப்படத்தின் பாடல்கள் வரும் 12ஆம் தேதி வெளியாகவுள்ளது. மேலும் இந்த படம் ஜூலை 15ஆம் தேதிக்கு மேல் வெளியாக வாய்ப்பு இருப்பதாக கூறப்படுகிறது.
இந்த படத்தின் புரமோஷன் பணிகளில் தயாரிப்பாளர் கலைப்புலி எஸ்.தாணு மும்முரமாக ஈடுபட்டு வருகிறார். இந்நிலையில் இந்த படத்தின் ஏர்லைன் பார்ட்னராக பிரபல விமான நிறுவனமான ஏர் ஆசியா இணைந்துள்ளது. இதுகுறித்த அறிவிப்பு ஒன்றும் சமூக இணையதளங்களில் வெளிவந்துள்ளது என்பது குறிப்பிடத்தக்கது. மேலும் இந்த படத்தில் ஏர் ஆசியா நிறுவனத்தின் விமானங்கள் பயன்படுத்தப்பட்டிருப்பதாகவும் கூறப்படுகிறது.
'அட்டக்கத்தி' பா.ரஞ்சித் இயக்கியுள்ள இந்த படத்தில் ரஜினிகாந்த், ராதிகா ஆப்தே, தன்ஷிகா, கலையரசன், தினேஷ், ஜான்விஜய் உள்ளிட்ட பலர் நடித்துள்ளனர். இந்த படத்திற்கு சந்தோஷ் நாராயணன் இசையமைத்துள்ளார்.