'கபாலி'யின் சீன ரிலீஸ் தேதி
- IndiaGlitz, [Saturday,August 06 2016]
சூப்பர் ஸ்டார் ரஜினிகாந்த் நடித்த 'கபாலி' திரைப்படம் கடந்த 22ஆம் தேதி வெளியாகி உலகம் முழுவதும் புதிய வசூல் சாதனை செய்தது. இந்நிலையில் இந்த படம்தான் 'மலாய்' மொழியில் டப் செய்யப்பட்டு வெளியான முதல் தமிழ்ப் படம் என்பது குறிப்பிடத்தக்கது.
இந்நிலையில் மலாய் பதிப்பு 'கபாலி' வரும் 26ஆம் தேதி முதல் தாய்லாந்து, இந்தோனேஷியா, மற்றும் சீனா ஆகிய நாடுகளில் வெளியாகும் என எதிர்பார்க்கப்படுகிறது.
ஏற்கனவே தமிழ், தெலுங்கு மற்றும் இந்தி மொழி பதிப்புகளின் வசூல் மட்டுமே ரூ.500 கோடியை நெருங்கியுள்ள நிலையில் மலாய் பதிப்பும் தற்போது மூன்று நாடுகளில் வெளியாகவுள்ளதால் இந்த படத்தின் வசூல் மிகப்பெரிய சாதனையை ஏற்படுத்தும் என எதிர்பார்க்கப்படுகிறது.