ద‌క్షిణాదిన సూప‌ర్‌స్టార్ ర‌జ‌నీకాంత్‌కు ఉన్న క్రేజ్ గురించి ప్ర‌త్యేకంగా చెప్ప‌న‌క్క‌ర్లేదు. అయితే ఆ క్రేజ్ ఇప్పుడు త‌గ్గుతోందా? అంటే సినిమాల ప‌రంగా చూస్తే అవున‌నే అనిపిస్తుంది. ఆయ‌న‌కు స‌రైన హిట్ త‌గిలి చాలా కాల‌మ‌వుతుంది. రీసెంట్‌గా విడుద‌లైన `2.0` కూడా వ‌సూళ్లు రాబ‌ట్టినా.. ర‌జ‌నీకాంత్ రేంజ్ స‌క్సెస్ కాద‌నేది ట్రేడ్ వ‌ర్గాల వాద‌న‌.

ఇప్పుడు ఆయ‌న న‌టించిన మ‌రో చిత్ర `పేట్ట‌` తెలుగులో అస‌లు సంక్రాంతికే విడుద‌ల కాద‌ని అనుకున్నారు. అయితే అశోక్ వ‌ల్ల‌భ‌నేని ఈ సినిమాను కొని సంక్రాంతికి విడుద‌ల చేయ‌డానికి ప్ర‌య‌త్నాలు చేస్తున్నారు. `పిజ్జా` ఫేమ్ కార్తీక్ సుబ్బ‌రాజ్ ద‌ర్శ‌క‌త్వంలో ర‌జ‌నీకాంత్ హీరోగా స‌న్ పిక్చ‌ర్స్ నిర్మిస్తోన్న థ్రిల్ల‌ర్ `పేట్ట‌` తెలుగు హ‌క్కుల‌ను సొంతం చేసుకున్న‌ అశోక్ వ‌ల్ల‌భ‌నేని 14 కోట్ల‌కే ద‌క్కించుకున్నాడ‌నేది టాక్‌. ర‌జ‌నీకాంత్ సినిమా అంత త‌క్కువకి అమ్ముడ‌వ‌డం చూస్తుంటే ఇక్క‌డి అగ్ర నిర్మాత‌లు పెద్ద‌గా ఆస‌క్తి చూప‌లేద‌నేది తెలుస్తుంది.