சட்டப்பேரவையில் கருணாநிதி படத்திறப்பு விழாவில் ரஜினிகாந்த்!
- IndiaGlitz, [Monday,August 02 2021]
தமிழக சட்டப்பேரவையில் இன்று முன்னாள் முதல்வர் கருணாநிதியின் உருவப்படத்தை ஜனாதிபதி ராம்நாத் கோவிந்த் திறக்க உள்ள நிலையில் இந்த விழாவில் சூப்பர் ஸ்டார் ரஜினிகாந்த் கலந்து கொள்ள உள்ளதாக தகவல் வெளிவந்துள்ளது.
தமிழக சட்டப்பேரவையின் நூற்றாண்டு விழா மற்றும் முன்னாள் முதல்வர் கருணாநிதியின் உருவ படம் திறப்பு விழா இன்று மாலை நடைபெற உள்ளது. இதில் ஜனாதிபதி ராம்நாத் கோவிந்த், கவர்னர் பன்வாரிலால் புரோஹித், முதலமைச்சர் முக ஸ்டாலின் உள்பட பலர் கலந்து கொள்ளவுள்ளனர்.
இந்த விழாவில் சிறப்பு விருந்தினராக கலந்துகொள்ள பலருக்கு அழைப்பு விடுக்கப்பட்டுள்ள நிலையில் சூப்பர் ஸ்டார் ரஜினிகாந்த் அவர்களுக்கும் அழைப்பு விடுக்கப்பட்டுள்ளதாகவும் இந்த விழாவில் ரஜினிகாந்த் கலந்து கொள்ள இருப்பதாகவும் தகவல்கள் வெளிவந்துள்ளன.
முன்னாள் முதல்வர் கருணாநிதியும் சூப்பர் ஸ்டார் ரஜினிகாந்தும், நெருங்கிய நண்பர்கள் என்பது தெரிந்ததே. அந்த வகையில் அவரது உருவ படம் திறப்பு விழாவிற்கு ரஜினிகாந்த்துக்கு அழைப்பு விடுக்கப்பட்டுள்ளது என்பது குறிப்பிடத்தக்கது.