ரஜினிகாந்த்-முருகதாஸ் படத்தின் படப்பிடிப்பு எப்போது?
- IndiaGlitz, [Saturday,January 05 2019]
சூப்பர் ஸ்டார் ரஜினிகாந்த் நடித்த 'பேட்ட' திரைப்படம் வரும் 10ஆம் தேதி உலகம் முழுவதும் பிரமாண்டமாக வெளியாகவுள்ளது. இந்த படம் வசூலில் பல சாதனைகளை முறியடிக்கும் என கருதப்படுகிறது.
இந்த நிலையில் 'பேட்ட' படத்தை அடுத்து பிரபல இயக்குனர் ஏ.ஆர்.முருகதாஸ் இயக்கத்தில் ரஜினிகாந்த் ஒரு படத்தில் நடிக்கவுள்ளார் என்ற செய்தி ஏற்கனவே வெளியானது. தற்போது இந்த படத்தின் படப்பிடிப்பு வரும் பிப்ரவரியில் தொடங்கவுள்ளதாக கூறப்படுகிறது.
இந்த படத்திற்கு சந்தோஷ்சிவன் ஒளிப்பதிவாளராக பண்புரிவார் என தெரிகிறது. இவர் ஏற்கனவே முருகதாஸ் இயக்கிய 'துப்பாக்கி', 'ஸ்பைடர்' படங்களுக்கும் ரஜினிகாந்த் நடித்த 'தளபதி' படத்திற்கும் ஒளிப்பதிவு செய்துள்ளார் என்பது குறிப்பிடத்தக்கது. இந்த படத்திற்கும் அனிருத் இசையமைக்க வாய்ப்பு உள்ளது.