லோகேஷ் கனகராஜ் அடுத்த படத்திற்கு ரஜினி பட டைட்டில்.. 5 நிமிட வீடியோ ரிலீஸ்..
- IndiaGlitz, [Wednesday,December 18 2024]
இயக்குனர் லோகேஷ் கனகராஜ் தயாரிக்கும் திரைப்படத்திற்கு ரஜினி படத்தின் டைட்டில் வைக்கப்பட்டுள்ளதாக அறிவிக்கப்பட்டு, போஸ்டரும் வெளியாகி உள்ள நிலையில், இந்த போஸ்டர் தற்போது இணையத்தில் வைரல் ஆகி வருகிறது.
தமிழ் திரையுலகின் முன்னணி இயக்குனர்களில் ஒருவரான லோகேஷ் கனகராஜ் தற்போது சூப்பர் ஸ்டார் ரஜினிகாந்த் நடித்து வரும் கூலி என்ற படத்தை இயக்கி வருகிறார். இந்த படத்தை முடித்தவுடன், அவர் கார்த்தி நடிக்கும் கைதி 2’ படத்தை இயக்க இருப்பதாக கூறப்படுகிறது.
இந்த நிலையில், லோகேஷ் கனகராஜ் சில திரைப்படங்களை தயாரித்து வருகிறார் என்பதை ஏற்கனவே பார்த்தோம். அந்த வகையில், அவர் தயாரிக்கும் அடுத்த திரைப்படத்திற்கு மிஸ்டர் பாரத் என்ற டைட்டில் வைக்கப்பட்டுள்ளது. 1986 ஆம் ஆண்டு ரஜினிகாந்த், அம்பிகா, சத்யராஜ் நடித்த படத்தின் டைட்டிலில் இந்த போஸ்டர் வெளியாகி உள்ளது என்பது குறிப்பிடத்தக்கது.
இந்த படத்தில் பிரபல யுடியூப் நடிகர் பாரத் நாயகனாக நடிக்க இருக்கிறார். மேலும், இன்னொரு பிரபல யூடியூபர் நிரஞ்சன் என்பவர் இயக்க இருப்பதாகவும் அறிவிக்கப்பட்டுள்ளது. இந்த படத்தை லோகேஷ் கனகராஜ் உடன் பேஷன் ஸ்டுடியோ நிறுவனமும் இணைந்து தயாரிக்க உள்ளது என்பது குறிப்பிடத்தக்கது.
பிரணவ் முனிராஜ் இசையில், ஓம் நாராயணன் ஒளிப்பதிவில், திவாகர் டென்னிஸ் படத்தொகுப்பில் இந்த படம் உருவாக இருப்பதாக அறிவிக்கப்பட்டுள்ளது. இந்த படத்தின் படப்பிடிப்பு விரைவில் தொடங்க இருக்கின்றது என்பது குறிப்பிடத்தக்கது.