சூப்பர் ஸ்டார் ரஜினிகாந்த் நடித்த படத்தில் அவருக்கு மனைவியாக நடித்த நடிகை, விஜய்க்கு மனைவியாக 'தளபதி 69' படத்தில் நடிக்க இருப்பதாக செய்தி கசிந்துள்ளது.

தளபதி விஜய் நடிக்கும் அடுத்த திரைப்படமான 'தளபதி 69' படத்தை, எச் வினோத் இயக்க இருப்பது உறுதி செய்யப்பட்டுள்ள நிலையில், இந்த படத்தில் நடிக்கும் மற்ற நட்சத்திரங்களை தேர்வு செய்யும் பணிகள் நடைபெற்று வருவதாக கூறப்படுகிறது.

இந்த நிலையில், 'தளபதி 69' படத்தில் விஜய்யின் மனைவியாக நடிகை மஞ்சு வாரியர் நடிக்க இருப்பதாக செய்திகள் வெளியாகியுள்ளன. ஏற்கனவே மஞ்சு வாரியர் வரும் அக்டோபர் 10ஆம் தேதி வெளியாகவுள்ள சூப்பர் ஸ்டார் ரஜினிகாந்த் நடித்த 'வேட்டையன்' திரைப்படத்தில் ரஜினியின் மனைவி கேரக்டரில் நடித்த நிலையில் தற்போது விஜய்க்கும் ஜோடியாக நடிக்க உள்ளதாக தெரிகிறது.

வெற்றிமாறன் இயக்கத்தில் தனுஷ் நடித்த 'அசுரன்' திரைப்படத்தின் மூலம் தமிழில் அறிமுகமான மஞ்சு வாரியர், அடுத்தடுத்து பெரிய நடிகர்களின் படங்களில் இணைந்து வருவதால், அவருடைய திரையுலக வாழ்வில் ஒரு பெரிய திருப்பம் வரும் என்று எதிர்பார்க்கப்படுகிறது.