மு.க. ஸ்டாலினுடன் ரஜினிகாந்த் சந்திப்பு
- IndiaGlitz, [Wednesday,February 06 2019]
சூப்பர் ஸ்டார் ரஜினியின் இளையமகள் செளந்தர்யாவின் திருமணம் வரும் 11ஆம் தேதி நடைபெறவுள்ள நிலையில் ரஜினிகாந்த் தனது நெருங்கிய நண்பர்கள், அரசியல்வாதிகள், விவிஐபிக்கள் ஆகியோர்களுக்கு திருமண அழைப்பிதழை கொடுத்து வருகிறார்.
இன்று காலை காங்கிரஸ் பிரமுகர் திருநாவுக்கரசர், விடுதலை சிறுத்தைகள் தலைவர் திருமாவளவன் மற்றும் சிவாஜி குடும்பத்தினர்களுக்கு திருமண அழைப்பிதழை கொடுத்த ரஜினிகாந்த், சற்றுமுன் சென்னையில் திமுக தலைவர் மு.க. ஸ்டாலின் அவர்களை அவரது ஆழ்வார்பேட்டை உள்ள இல்லத்தில் சந்தித்தார்.
இந்த சந்திப்பின்போது ரஜினிகாந்த் அவர்கள் ஸ்டாலினிடம் திருமண அழைப்பிதழை முறைப்படி அளித்ததாகவும், திருமணத்தில் கலந்து கொள்ள ஸ்டாலின் ஒப்புக்கொண்டதாகவும் தகவல்கள் வெளிவந்துள்ளது.