சூப்பர் ஸ்டார் ரஜினிகாந்த் அவர்கள் நாளை மீண்டும் ரஜினி மக்கள் மன்ற நிர்வாகிகளை சந்திக்க இருப்பதாக ஏற்கனவே செய்திகள் வெளியானதை பார்த்தோம். இந்த நிலையில் நாளை மாவட்ட செயலாளர்களின் சந்திப்புக்குப் பின்னர் அரசியல் கட்சி குறித்த முக்கிய அறிவிப்புகளை வெளியிட அதிக வாய்ப்பு இருப்பதாக செய்திகள் வெளிவந்துள்ளது

இந்த நிலையில் சற்று முன்னர் வெளியான தகவலின்படி சென்னை லீலா பேலஸ் ஹோட்டலில் நாளை காலை 10.30 மணிக்கு ரஜினிகாந்த் செய்திகளை செய்தியாளர்களை சந்திக்க இருப்பதாகவும் அரசியல் பிரவேச அறிவிப்பிற்கு பின் ரஜினியின் அதிகாரபூர்வமான செய்தியாளர் சந்திப்பு இதுதான் என்றும் கூறப்படுகிறது

மேலும் நாளைய செய்தியாளர்கள் சந்திப்பில் அரசியல் கட்சியின் பெயர் குறித்தும், அரசியல் கட்சி ஆரம்பிக்கும் தேதி குறித்தும் அவர் தெரிவிக்க அதிக வாய்ப்பிருப்பதாக கூறப்படுகிறது. இதனால் தமிழக அரசியலில் பெரும் பரபரப்பு ஏற்பட்டுள்ளது

முதல்முறையாக முறைப்படி செய்தியாளர்களை ரஜினிகாந்த் சந்திக்க இருப்பதால் இந்த சந்திப்பின்போது ரஜினியின் அரசியல் பிரவேசம் குறித்த பல்வேறு சந்தேகங்களுக்கு விடை கிடைக்கும் என எதிர்பார்க்கப்படுகிறது