ரஜினியின் 2ஆம் கட்ட ரசிகர்கள் சந்திப்பு தேதி அறிவிப்பு
- IndiaGlitz, [Thursday,December 14 2017]
சூப்பர் ஸ்டார் ரஜினிகாந்த் தனது ரசிகர்களை முதல்கட்டமாக கடந்த மே மாதம் சந்தித்தார். அப்போது அரசியல் வருகை குறித்து 'போர் வரும்போது பார்த்து கொள்ளலாம்' என்றும் தெரிவித்தார். இந்த சந்திப்பு ரசிகர்களிடையே பெரும் பரபரப்பை ஏறபடுத்திய நிலையில் 'காலா' மற்றும் 2.0 படப்பிடிப்பு முடிந்தவுடன் இரண்டாம் கட்ட சந்திப்பு நடைபெறும் என்றும் அவர் தெரிவித்திருந்தார்
இதுவரை ரஜினிகாந்த் திருச்சி, நெல்லை, ராமநாதபுரம், சிவகங்கை, கடலூர், பாண்டிச்சேரி, காரைக்கால், கரூர், சிதம்பரம், பெரம்பலூர், திண்டுக்கல், திருவாரூர் உள்பட 17 மாவட்ட ரசிகர்களை சந்தித்துள்ள நிலையில் மீதமுள்ள மற்ற மாவட்ட ரசிகர்களுடனான சந்திப்பு குறித்த தேதி தற்போது அறிவிக்கப்பட்டுள்ளது.
ரஜினிகாந்த் அவர்களின் இரண்டாம் கட்ட ரசிகர்களின் சந்திப்பு டிசம்பர் 26ஆம் தேதி முதல் 31ஆம் தேதி வரை நடைபெறவுள்ளதாகவும், இந்த சந்திப்பு வழக்கம்போல் சென்னை ஸ்ரீராகவேந்திரா திருமண மண்டபத்தில் நடைபெறும் என்றும் அறிவிக்கப்பட்டுள்ளது. இந்த சந்திப்பில் அவர் தனது அரசியல் வருகை குறித்த அறிவிப்பை வெளியிடுவாரா? என்பதை பொறுத்திருந்து பார்ப்போம்