அண்ணனுக்கு அறுவை சிகிச்சை: நலம் விசாரிக்க சென்ற ரஜினிகாந்த்
- IndiaGlitz, [Wednesday,August 28 2019]
சூப்பர் ஸ்டார் ரஜினிகாந்த் சகோதரர் சத்யநாராயண ராவ் அவர்களுக்கு கால் அறுவை சிகிச்சை நடைபெற்ற நிலையில் அவரை நலம் விசாரிக்க ரஜினிகாந்த் பெங்களூர் சென்றார்.
ரஜினிகாந்த் சகோதரர் சத்யநாராயண ராவ் அவர்களுக்கு பெங்களூரில் உள்ள தனியார் மருத்துவமனையில் இன்று கால் அறுவை சிகிச்சை நடைபெற்றது. இதனையடுத்து சகோதரரை பார்ப்பதற்காக மும்பையில் 'தர்பார்' படப்பிடிப்பில் இருந்த ரஜினிகாந்த், அவரை பார்க்க பெங்களூர் வந்து நலம் விசாரித்தார். ரஜினியை மருத்துவமனையில் பார்த்ததும் மருத்துவமனையில் பணிபுரியும் டாக்டர்கள் உள்பட ஊழியர்கள் பலர் அவருடன் செல்பி எடுத்து கொண்டனர்
சகோதரரை நலம் விசாரித்த பின்னர் நடிகர் ரஜினிகாந்த் மீண்டும் மும்பைக்க்கு 'தர்பார்' படப்பிடிப்பில் கலந்து கொண்ட சென்றார். முன்னதாக பெங்களூர் மருத்துவமனையில் ரஜினியுடன் மருத்துவமனை ஊழியர்கள் எடுத்து கொண்ட புகைப்படங்கள் தற்போது இணையத்தில் வைரலாகி வருகிறது