அரசியல் கட்சி தொடங்க ஆசி பெற்றேன்: கருணாநிதியை சந்தித்த பின் ரஜினி பேட்டி
- IndiaGlitz, [Wednesday,January 03 2018]
சூப்பர் ஸ்டார் ரஜினிகாந்த் கடந்த 31ஆம் தேதி தனது அரசியல் நிலை குறித்த அறிவிப்பை அறிவித்த நிலையில் சற்று முன்னர் திமுக தலைவரும் முதுபெரும் அரசியல் தலைவருமான மு.கருணாநிதியை சந்தித்தார்.
இந்த சந்திப்பு சுமார் 20 நிமிடங்கள் நடந்தது. இந்த சந்திப்பின்போது திமுக செயல்தலைவர் மு.க.ஸ்டாலின் உடனிருந்தார். கருணாநிதியை சந்தித்த பின்னர் செய்தியாளர்களிடம் பேசிய ரஜினிகாந்த், 'கருணாநிதியுடனான சந்திப்பு மரியாதை நிமித்தமானது. ஒவ்வொரு ஆண்டும் புத்தாண்டு அன்று அவரை சந்தித்து ஆசி பெறுவேன். இந்த ஆண்டும் அவரைச் சந்தித்தேன். அரசியல் கட்சி தொடங்க உள்ளது பற்றி தெரிவித்து ஆசி பெற்றேன்'' என்று கூறினார்
முன்னதாக ரஜினியின் கோபாலபுர வருகையை முன்னிட்டு ரஜினிகாந்த் ரசிகர்கள் கோபாலபுரத்தில் குவிந்து அவர் வந்த நேரத்தில் ரஜினி வாழ்க என்று கோஷமிட்டனர்.